၂၀၂၃ခုနှစ်ဟာ နွေဦးတော်လှန်ရေးအတွက် အရေးကြီးတဲ့နှစ်၊ အဆုံးအဖြတ်ပေးမယ့်နှစ်လို့ အမျိုးသားညီညွတ်ရေးအစိုးရ NUG က ကြွေးကြော်ထားပါတယ်။ တပြိုင်နက်ထဲမှာပဲ စစ်ကောင်စီကလည်း ဒီနှစ်ထဲမှာ ရွေးကောက်ပွဲကျင်းပဖို့ ပြင်ဆင်မှုတချို့ လုပ်နေပါပြီ။ ဒီလိုအခြေအနေတွေကြားမှာ ဒီနှစ်ထဲ နိုင်ငံရေး၊ စစ်ရေးအလားအလာတွေက ဘယ်လိုဖြစ်လာနိုင်ပါသလဲ။ စစ်ကောင်စီဘက်က နိုင်ငံရေးထွက်ပေါက်အနေနဲ့ ဒေါ်အောင်ဆန်းစုကြည်ကို ပြန်လွတ်ပေးရင် တော်လှန်ရေးအရှိန်အဟုန် လျော့ကျနိုင်ပါသလား။ မင်းအောင်လှိုင်အနေနဲ့ ဒေါ်အောင်ဆန်းစုကြည်ကို လွတ်ပေးသည်ဖြစ်စေ၊ မလွတ်ပေးသည်ဖြစ်စေ ၂၀၀၈ ဖွဲ့စည်းပုံအခြေခံဥပဒေအတိုင်းသွားမယ့် ဘယ်လမ်းကြောင်းကိုမဆို လက်ခံမှာမဟုတ်ဘူးလို့ NUGရဲ့ ဖက်ဒရယ်ပြည်ထောင်စုရေးရာဝန်ကြီး ဒေါက်တာလျန်မှုန်းဆာခေါင်းက ပြောလိုက်ပါတယ်။ အပစ်ရပ်စာချုပ် NCA ကို ဖက်တွယ်ထားတဲ့ အဖွဲ့အစည်းတွေဟာလည်း ကိုယ်ကျိုးစီးပွားအတွက် စစ်အာဏာရှင်စနစ် အမြဲတမ်းရှင်သန်ရေးကို ဦးတည်နေတာလို့ ဝေဖန်လိုက်တဲ့ ချင်းတိုင်းရင်းသား တော်လှန်ရေးခေါင်းဆောင်တစ်ဦးလည်းဖြစ်၊ NUG ရဲ့ ဖက်ဒရယ်ပြည်ထောင်စုရေးရာဝန်ကြီးလည်းဖြစ်သူ ဒေါက်တာလျန်မှုန်း ဆာခေါင်းကို Myanmar Now က ဆက်သွယ်မေးမြန်းထားပါတယ်။ မေးမြန်း၊ တင်ဆက် - စထွန်းအောင် (လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်)
